昨天,到了下午2時28分,我獨自站在旺角某商場外看著電視直播畫面,眼睛不禁紅了.....其他途人和我一樣一言不發,默默地為四川大地震的死難者默哀3分鐘..........當我合上眼睛,腦海一幕幕震撼的畫面不停在我腦海浮現.小孩變成了孤兒,老人家已沒有棲身之所,災民的眼神都是迷茫的.........他們將如何面對將來呢?

昨天跟朋友閒話中談到四川事件的看法,他說神保佑了他的朋友避過一劫,但我的看法跟他不一樣,如果世上真的有神,為什麼神會讓這件事發生?他只輕輕地說了一句:有得必有失........此時我有點激動了,我再問:什麼有得有失?如果成年人做錯了事而上天要罰他們我沒話說,但那些小孩呢?他們連什麼是對是錯也未識分清楚,為何上天要帶走這些無辜的小生命呢?朋友聽後都無言以對........

從報章看到一幅相片,一名已死去的學童手上還緊緊握住筆不放,可想而知地震的一刻他們還不知道發生什麼事....世上發生的事實在多了,而這次地震事件最令我感到痛心!我不停在想,除了捐贈之外,我還可以為災民做些什麼呢?面對大自然的災害,人類真是十分渺小.......

我不信拜得神多自有神庇佑,也不信信耶穌得永生......

如果世上真的有神,那麼我只有一個祈求......四川大地震重未發生過~

魔鬼:肥...你要減肥....睇下你塊面再睇埋你條腰......唔係唔係!應該係你成個look,同一個肥師奶有咩分別呀!!唔好食咁多啦~

天使:傻既~咁辛苦生完baby梗係要慰勞下自己啦!鍾意食咩就盡情去食,之前陀b要戒口咁慘,而家仲唔食番夠本點對得住自己呀!!!成棚骨抱阿b又點會舒服喎~女人耍有d肉地先有福相丫嘛~

魔鬼:福相??我話係福頭就真.....你廿幾歲咋,唔好自甘墮落呀!你諗下...萬一你係街上撞到舊男朋友,佢見到你咁既樣,你估佢點諗?肯定話好彩無娶到你啦~你聽到一定hurt死啦!!!!

天使:低b!!人地點諗都控制唔到架喎....就算俾你減到100磅又點呢?佢要串你實搵到嘢講喎~例如:你著衫bad taste左喎....你殘左喎....你頭髮少左....你矮左......哼!!再加上你老公都無嫌你肥~

魔鬼:你唔好聽佢講呀!雖然你老公無叫你減,但你知啦~男人有時講嘢無女人咁直接,可能佢日日都諗住想你減肥......

天使:如果個男人因為你肥左而唔要你,咁呢D男人要唔要都罷啦!做左人地阿媽仲扮咩靚丫~好好地咁為阿B將來打算仲好啦~

魔鬼:哦~咁而家即係要阿B將來而放棄自己既將來啦!!你睇番以前D相,相差唔係好多年之嘛~做咩要攪成咁喎......好唔抵丫嘛.........無喇~無喇.....

天使:肥就無將來?你呢D係咩道理??唔通好似你咁好咩?又瘦又黑都唔知似乜......

魔鬼:講咩呀你隻死肥豬!你估你插對翼就真係天使呀......

天使:收皮啦你!!我對翼係真既,唔似得你整對牛角係度扮鬼扮馬!

魔鬼:哈哈.....你又知我對角係假~信唔信我用角拮死你丫拿~

天使:呀......好驚呀我.....我驚唔小心用對翼拍Q死你呀!!

魔鬼:隻揪丫!!!!!!

天使:揪咪揪.......怕你呀!!!!!

容易拎:你兩條友唔該打就行遠D啦~唔好係我頭上面打呀!!唉...仲諗住叫兩個俾D意見.................